AB vörur

Lifandi jafnvægi

Svefn og vaka, hvíld og áreynsla, frítími og vinna. Lífið er erilsamt, andstæður togast á en holl fæða hjálpar okkur að ná jafnvægi. Góðu gerlarnir sem ab-vörurnar innihalda, Lactobacillus acidophilus (a) og Bifidobacterium bifidum (b), eru ólíkir flestum öðrum mjóllkursýrugerlum. Þeir lifa af ferðalagið um magann og halda áfram mikilvægri starfsemi sinni í þörmunum. Dagleg neysla á ab-mjólk tryggir hæfilegt magn af a- og b-gerlum í meltingarvegi og gerir óæskilegum gerlum erfitt uppdráttar. Þannig helst líkaminn í lifandi jafnvægi.

Ab-vörurnar eru þróaðar með það fyrir augum að gegna lykilhlutverki í mataræði nútímafólks. Þær eru svokallað markfæði sem er skilgreint sem matvæli sem hefur heilsusamlega virkni umfram hefðbundin matvæli.

Eins og aðrar mjólkurvörur eru ab-vörurnar næringarríkar og innihalda hina heilnæmu a- og b-gerla. Í einu grammi af ab-mjólk eru að minnsta kosti 500 milljón a-gerlar og 500 milljón b-gerlar.

Almenningur gerir sér æ betur grein fyrir mikilvægi hollrar og næringarríkrar fæðu í uppbyggingu líkamans. Meðal æskilegra fæðutegunda hvers dags eru ab vörur. Auk þess að stuðla að hámarksnýtingu kalks í líkamanum treysta a- og b-gerlarnir mótstöðuafl líkamans gegn ýmsum tilfallandi sýkingum og sjúkdómum.

a-gerillinn (Lactobacillus acidophilus) er mjólkursýrugerill sem viðheldur heilbrigðri meltingarflóru.

Líkamar okkar verða stöðugt fyrir áreiti frá óæskilegum þáttum í nánasta umhverfi okkar. Óæskilegar bakteríur og sveppir geta sest að í meltingarveginum og valdið óþægindum og veikt mótstöðuafl líkamans. A- og b-gerlarnir treysta mótstöðuafl okkar gegn slíkum bakteríum. Þeir bæta meltinguna og styrkja um leið innri varnir líkamans.

Þegar eðlilegt jafnvægi í meltingarvegi raskast, t.d. vegna inntöku sýklalyfja, er mikilvægt að neyta vara sem innihalda heilnæma gerla til að byggja aftur upp heilbrigða gerlaflóru. Góðu gerlarnir sem ab-vörurnar frá MS innihalda lifa af ferðalagið í gegnum magann og hjálpa til við að ná aftur og viðhalda mikilvægu jafnvægi í meltingarvegi. Dagleg neysla á ab-mjólk tryggir hæfilegt magn af a- og b-gerlum í meltingarvegi og gerir óæskilegum gerlum erfitt uppdráttar.

b-gerillinn (Bifidobacterium bifidum) er náttúrulegur gerill í manninum frá fæðingu. Hann er líkamanum nauðsynlegur við varnir og uppbyggingu örverustarfsemi í meltingarfærunum.

Uppskriftir með ab-vörum

Árni Þór Arnþórsson, meistarakokkur setti saman nokkrar léttar og hollar uppskriftir sem innihalda ab-mjólkurvörur.

Speltbollur með rifnum ab-osti og ólífum.
Hollustubollur sem smakkast best nýkomnar úr ofninum.

Salat með sætum kartöflum, ab-mjólk og fetaosti.
Hentar í raun með hvaða mat sem er. Tilvalið að prófa með grilluðum mat nú þegar sumarið er gengið í garð.

ab-mangó-, karrí- og sesamsósa.
Sósa sem smakkast einstaklega vel með grilluðum svínasneiðum eða kjúklingi.