Ómótstæðileg ostakaka með karamellukurli

Ostakökurnar frá MS hafa notið mikilla vinsælda undanfarin ár og er því einkar gaman að segja frá því að nú höfum við sett á markað spennandi sérútgáfu sem aðeins verður á markaði í takmarkaðan tíma. Ostakaka með karamellukurli er nýjasta nýtt í vörulínunni en þar mætir nýr og bragðmikill kexbotn silkimjúkri og ómótstæðilegri ostakökufyllingu með karamellukurli. Ostakaka með karamellukurli smellpassar í saumaklúbbinn, matarboðið eða sem tækifærisgjöf og þeyttur rjómi til hliðar setur eins og svo oft punktinn yfir i-ið. Ekki flækja hlutina þegar þú þarft þess ekki og veldu þér einfaldan og bragðgóðan eftirrétt þegar þú vilt gera vel við þig og þína.

Það skemmir ekki fyrir að bera kökuna fram með þeyttum rjóma og karamellusósu og uppskrift að einni slíkri er að finna hér fyrir neðan:

Karamellusósa
60 g smjör
110 g púðursykur
5 msk. rjómi frá Gott í matinn

Bræðið smjörið við lágan hita.
Bætið púðursykrinum og rjómanum útí og hrærið á miðlungshita þar til sykurinn leysist upp.
Hækkið hitann örlítið undir lokin og leyfið blöndunni að malla í 1-2 mínútur og hrærið í allan þann tíma.
Leyfið sósunni að kólna svolítið og þykkna áður en þið setjið hana yfir kökuna.