Ekki flækja hlutina þegar þú þarft þess ekki og veldu þér einfaldan og bragðgóðan eftirrétt þegar þú vilt gera vel við þig og þína.
Smámál með piparmyntusúkkulaði
Smámál frá MS hafa notið vinsælda hjá stórum og smáum í fjölda ára enda eru bestu réttirnir oft þeir sem skilja mann eftir með löngun í meira og þannig er Smámálið. Í fyrsta skipti í langan tíma bjóðum við upp á nýja bragðtegund og mælum við með að aðdáendur súkkulaðibúðinga næli sér í Smámál með piparmyntusúkkulaði í næstu búðarferð. Hér er á ferðinni einstaklega ljúffengur eftirréttur í handhægum umbúðum sem vert er að prófa en varan verður aðeins í boði í takmarkaðan tíma.
Ómótstæðileg ostakaka með karamellukurli
Ostakökurnar frá MS hafa notið mikilla vinsælda undanfarin ár og er því einkar gaman að segja frá því að nú höfum við sett á markað spennandi sérútgáfu sem aðeins verður á markaði í takmarkaðan tíma. Ostakaka með karamellukurli er nýjasta nýtt í vörulínunni en þar mætir nýr og bragðmikill kexbotn silkimjúkri og ómótstæðilegri ostakökufyllingu með karamellukurli. Ostakakan smellpassar í saumaklúbbinn, matarboðið eða sem tækifærisgjöf og þeyttur rjómi til hliðar setur eins og svo oft punktinn yfir i-ið.
Jóla engjaþykkni styttir biðina fram að jólum
Í aðdraganda jólahátíðarinnar er gaman að gera sér dagamun og leyfa sér smá eftirrétt endrum og eins. Jóla engjaþykkni er tilvalinn kostur sem sparimorgunverður, gómsætur millibiti eða ljúffengur eftirréttur en um er að ræða mjúka og bragðgóða jarðarberjajógúrt með stökkum kornkúlum sem leika við bragðlaukana.
Engjaþykkni
Mjúk og bragðgóð jógúrt með stökkum kornkúlum sem leika við bragðlaukana. Tilvalinn kostur sem sparimorgunverður, gómsætur millibiti eða ljúffengur eftirréttur.
Brjóttu upp hversdaginn og berðu vel kælt Engjaþykkni fram í glasi á fæti sem eftirrétt. Kemur virkilega á óvart og tekur nokkrar mínútur í undirbúningi.
Þrjár tegundir sem erfitt er að velja á milli.
Notaleg samvera toppuð með úrvali af bragðgóðum eftirréttum
Öll viljum við borða hollan og góðan mat. Hjá MS hefur þú val um hreinar, bragðbættar eða kolvetnaskertar sýrðar mjólkurafurðir. En þegar þú vilt gera vel við þig og þína þá býður þú upp á eitthvað gott úr eftirréttalínu MS.
Ostakökur
Ef það er eitthvað sem er betra en ein Bláberjaostakaka, þá eru það tvær! Stundum þurfa eftirréttir ekki að vera mikið flóknari en það.
Það sem þú þarft:
Tvær Bláberjaostakökur frá MS
Askja af ferskum bláberjum
Flórsykur
Aðferð:
Gott er að byrja á því að setja Bláberjaostakökurnar í frysti. Þetta hjálpar til við að halda fallegri lögun þegar þeim er staflað upp. Þegar þær eru komnar á disk þarf einungis að dreifa fersku bláberjunum yfir toppinn og sigta svo ögn af flórsykri yfir. Auðvitað má svo taka skreytingarnar enn lengra ef ímyndunaraflið leyfir.
Einfalt og ljúffengt.
Smámál
Bestu réttirnir eru þeir sem skilja mann eftir með löngun í meira. Þannig er Smámálið, og betra að hafa skeiðina í minni kantinum. Þá endist það lengur.
Hrísmjólk
Sumir líta á Hrísmjólkina sem sparimorgunmat, aðrir sem gómsætt millimál en það er velþekkt leyndarmál að Hrísmjólkin er líka glæsilegur eftirréttur í skál sem þú getur reitt fram hraðar en gestirnir ná að segja: „Takk fyrir mig.“ Bættu nokkrum berjum ofan á til að fullkomna verkið.
Tvær tegundir - Hrísmjólk með karamellusósu og Hrísmjólk með rifsberja- og hindberjasósu. Þitt er valið!
